Web edukia bistaratu Web edukia bistaratu

Aktualitatea

Eduki publikatzailea Eduki publikatzailea

Atzealdea

Ingurumeneko Departamentuak Irungo Emaús Gizarte Fundazioaren Ekocenterra bisitatu du

Asensiok Emaúsen zeregina babestu nahi izan du berrerabilpenaren, prebentzioaren, gizarte lanaren eta ekonomia sorreraren arloan.

2017·07·06


Ingurumeneko Departamentuak Irungo Emaús Gizarte Fundazioaren Ekocenterra bisitatu du

José Ignacio Asensio, Ingurumeneko Diputatuak, Emaús Gizarte Fundazioaren Irungo Ekocenterraren instalazioak bisitatu ditu. Asensiok Emaúsen zeregina babestu nahi izan du berrerabilpenaren, prebentzioaren, gizarte lanaren eta ekonomia sorreraren arloan.

“Hondakinen kudeaketa politika integrala aintzakotzat hartu behar dugu, eta hau Europako hondakinen hierarkiaren lehendabiziko fasetariko bat da. Beraz, ekimen hauek bultzatu behar ditugu eta Gipuzkoako azpiegituretan barneratu behar ditugu hondakinen tratamenduaren itxierarako”, azaldu du Asensiok.

Bisitan zehar Departamentuak Emaúsen lana gertutik ikusteko aukera izan du prebentzioaren eta berrerabilpenaren arloan. Zentro honen jarduera nagusia tamaina handiko hondakinei eta ehun-hondakinei zuzentzen zaie. Bigarren eskuko artikuluen erakusketarako eta salmentarako eremua da, eta ingurumenarekiko zein baliabide gutxiago dituzten pertsonengan oinarri solidarioa du. Prezio txikian aurki ditzakezu arropa, moda osagarriak, altzariak, etxetresna elektrikoak, liburuak, eta abar.